#媽媽週末日常 今日大福一早有籃球班⛹️，所以亞媽7點起身整愛心早餐，有蛋有芝士，等佢有氣有力打籃球！(不過大福嘅食量，好努力只係食到半份🤦♀️)
Btw, 膽粗粗唔搭校巴，原來每日接返學放學，都唔係咁容易㗎！每日一來一回就要搭四程車，仲要操場曬住等！(所有全職媽媽&湊孫嘅老人家，失敬失敬🙇♀️)如果嗰日有興趣班，下晝仲要帶佢上堂，然後喺條街吽一個鐘，所以唔好再話唔使返工嘅媽媽好得閒呀～
而我係一個同時要做嘢嘅全職媽媽😂又湊仔又要賣手工( eelty.com )，又間中接下漫畫邀請稿/業配文/design freelance(請叫我時間管理大師😤)(我都想專心湊仔㗎，但奈何現實唔容許😣)
適應週開始要每朝好早起身(正式開學仲早😭)，但夜晚等細福瞓晒覺又要開電腦做嘢🥺早前驗身，仲抽血抽到中途休克咁滯(遲啲再同大家分享呢件事😅) 知道自己太操勞又會好容易病，即刻訂返寧夏紅杞子飲補健一下，打好個底！
之前由準備懷二寶開始飲，飲到細福近一歲，不過荷包緊又見產後復原都差不多，就停到依家～大家都知阿媽係唔病得🥲所以唔慳呢啲喇～(病咗睇醫生仲貴)飲咗兩星期真係feel better，開晒學安頓晒，我要開始做埋運動💪🏻💪🏻💪🏻(大家聽住先😂)
大家記得，每朝起身一定要飲水！飲水！飲水！(飲一大杯唔該)
Search